Gurelur

AURKEZPENA

Administrator — Tue, 29 May 2007 09:30:13 +0000

Gurelur S.A.S enpresa simulatua TOLOSALDEA Goi Mailako L.H Institutuan 2001-2002 ikasturtean Administrazio eta Finantzak goi mailako heziketa zikloan martxan jarri zen proiektua da.

Enpresa simulatu hau gure lurreko produktuen salerosketara dedikatzen da, hala nola, sagardoa, txakolina, babarrunak, Tolosako teila eta zigarrotxoak, xaxuak, eztia, iogurrak, Ibarrako pipertxoak, mermelada eta Idiazabal gazta erosi eta saltzera. Enpresa simulatua denez, produktuak ez dira fisikoki mugitzen baina salerosketari dagokion dokumentazio administratibo erreal guztia enpresa benetakoa balitz bezala eramaten dute ikasleek. Guzti honetarako gela berezi bat antolatuta daukagu ikastetxean, gela hori enpresa batean egon daitezken alorretan banatuta dago eta beharrezko diren baliabidez horniturik dago (ordenagailu, fax, telefono…) benetako bulego bat balitz bezala.

Enpresa simulatu honen helburua ikasleek modulo desberdinetako klaseetan eta teorian ikasten dutena praktikan jartzea da.

BERRIAK

Administrator — Tue, 29 May 2007 09:28:28 +0000

GURELUR PRODUKTUAK ireki da

PROIEKTUETAN OINARRITURIKO IRAKASKUNTZA-POI

Administrator — Tue, 29 May 2007 09:16:29 +0000

POI: irakasteko pedagogía edo filosofia bat da, hau da, proiektu bat ardatz hartuz irakastea.

Ez dago POI mota bakar bat, Proiektuetan Oinarrituriko Irakaskuntza norbere zikloaren beharretara eta aukeretara egokitu behar da. Hona hemen POIa aplikatzeko modu bat; enpresa simulatua Tolosaldea GLHIn goi mailako administrazio eta finantzak zikloan:

1. Proiektua:

Enpresa bateko dokumentuen kudeaketa guztia eramatea enpresa simulatu batean (gutunak, eskariak, biltegia, albaranak, fakturak, katalogoak, promozio kanpainak, lan kontratuak, nominak, kontabilitatea, kobruak eta ordainketak on-line, telefonoaren harrera…)

2. Antolaketa:

1.mailako lehenengo bi ebaluazioetan proiektu hau aurrera eraman ahal izateko beharrezkoa den teoria guztia ematen da eta hirugarren ebaluaketan astean bi orduko bi saiotan enpresa simulatuan sartzen dira ikasleak Proiektua aurrera eraman ahal izateko. Ikasle berdinak 2.mailara pasatzen direnean lehenengo eta bigarren ebaluazioan astean bi orduko bi saiotan egoten dira enpresa simulatuan proiektua aurrera eramaten. Bitarte guztian Proiekturako beharrezko diren teoria guztiak klase normaletan ematen dira Proiektu honetako orduak alorrean erabakitako moduloen orduetatik erabiltzen dira.

Iogurra

Administrator — Wed, 23 May 2007 08:38:09 +0000

Zer dago iogur goilarakada baten frexkotasun gozoaren atzean? Esnekien eskaintza bitaminiko guztia.

Prezioa (275 gr.): 1,36 €

Prezioa (500 gr): 2,25 €

BEZa kanpo

Mermelada

Administrator — Wed, 23 May 2007 08:25:23 +0000

Gure baserrietako fruta onenekin eginiko konfiturarik naturalena, inongo gehigarririk gabekoa, etxekoa.

Prezioa (250 gr): 4,65 €

Prezioa (500 gr): 8,55 €

BEZa kanpo

Euskal eztia

Administrator — Wed, 23 May 2007 08:18:43 +0000

Eusko Labela duten eztiak ezti naturalak dira, gardentasun poliniko handikoak, eta Kalikate kontuan Europako Arautegi Tekniko zorrotzenetako baten ezarpenak betetzen dituztenak. Pasteurizazio prozedurarik izan gabeko esne gordinak direnez, beren ezaugarri biologiko eta nutritibo guzti-guztiak gordetzen dituzte.

Prezioa (500 gr): 7,05 €

Prezioa (750 gr): 11,05 €

BEZa kanpo

Teila eta zigarrotxoak

Administrator — Tue, 22 May 2007 10:46:36 +0000

Otordu ondorenerako aproposak diren almendra eta gurinezko goxoak. Tolosako gozogintza tradizionalaren xarma.

Prezioa (160 gr): 5,15 €

Prezioa (320 gr): 8,04 €

BEZa kanpo

Xaxuak

Administrator — Tue, 22 May 2007 10:36:57 +0000

Gozogintza klasikoko bi osagaien nahasketa dugu xaxua: mazapana eta gorringoa. Almendra eta gorringoaren zapore garbia konbinatzen dituen kutixia.

Prezioa (160 gr): 5,35 €

Prezioa (320 gr): 9,25 €

BEZa kanpo

Ibarrako piperrak

Administrator — Tue, 22 May 2007 10:27:07 +0000

Pipermina, Ibarran "piparra" deitzen duguna, Ibarrako baratze zainduetako izarra da, hazten den herriaren adierazgarri. Topikoa da esatea bizitzaren monotoniari gatza eta piperra bota behar zaiola. Aholku hori egiazkoa denez, piperminaren kalitatea kontuan harturik, urte batzuetatik hona, "Ibarrako piparrak" dastatzea modan jarri da.

Prezioa (pote txikia): 3,36 €

Prezioa (pote handia): 4,92 €

BEZa kanpo

Gazta

Administrator — Tue, 22 May 2007 09:45:43 +0000

Latxa ardiek ematen duten esne bikainarekin Idiazabal jatorria duen gazta egiten da. Idiazabal Aralar mendi sakratuaren hegalean dagoen Gipuzkoako herri txiki bat da, Euskal Herriaren erdi-erdian eta lau mila urte baino gehiagoko artzain-tradizioa duen eremuan dagoena. Idiazabal gaztak % 45eko koipea du, gutxienez, estraktu lehorrean; azal gogorra eta trinkoa du; ketua edo ketu gabea izan daiteke; usain sakona eta garbia du; eta zapore orekatua eta handia du. Hori guztia lortzen da modu naturalean egiten delako, inolako gehigarririk gabe; ez zaio koloratzailerik eta kontserbagarririk botatzen.

Prezioa: 13,95 €

BEZa kanpo